Ji bo nûçeya tirkî bitikîne
Piştî Walîtiya Enqereyê biryar stand ku çalakiya Platformên KHKyiyan were qedexekirin, HDPyê daxuyaniyek weşand û KHKyî vexwend Navenda xwe ya Giştî.
Platformên KHKyiyan aşkere kiribû ku wê di 5 û 6ê Çiriya Pêşiyê de li Enqereyê kom bibin. Walîtiya Enwereyê biryar daye ku destûrê nedin çalakiyê.
Sedema qedexeyê yaseya hejmar 2911yê ye
Walîtiya Enqereyê ji Midûriyeta Sehneyê ya Yilmaz Guneyî re nivîsek şandiye û tê de behsa bangewaziyên çalakiya 5 û 6ê Çiriya Pêşiyê kiriye. Walîtiyê gotiye ku wan çalakî li gorî Qanûna Rêveberiya Bajaran a hejmar 5442yê û ya Qanûna Civîn, Meş û Xwenîşandanan a hejmar 2911ê hatiye qedexekirin.
HDP: Bila werin navenda me
HDPyê derbarê mijarê de daxuyaniyek weşandiye û tê de wiha gotiye: “Walîtiya Enqereyê bi vê biryara qedexekirinan re dixwaze li pêşiya çareseriya pirsgirkêna a welatiyan û daxwaza wan a kar, nan û edaletê asteng bike. Dihêle ku çareserî pêk neyê. Ji bo axavtvan û beşdarvanên ku wê 5 û 6ê Çiriya Pêşiyê bihatana ba hev, vedixwînin Navenda Giştî ya HDPyê.” (TP/FD)
