YSK: Mafê dengdanê yê 68 hezar û 17 hilbijêran nîne
Ji bo nûçeya tirkî bitikîne
23yê Hezîranê ji bo Şaredarîya Bajarê Mezin a Stenbolê ji nû ve hilbijartin ê bê kirin. Lijneya Biind a Hilbijartinan li ser hilbijartinê daxuyanîyek weşandiye.
YSKyê diyar kiriye ku 68 hezar û 17 hilbijêr ji ber ku mirîne, ji welatîbûna Tirkiyeyê hatine avêtin, mehkûm in an jî di bin fermana çekdarîya dewletê de ne, mafê wan ê dengdanê nîne.
Hilbijartin hatibû betalkirin
Hilbijartina birêvebiriyên herêmî 31ê Adarê hatibû kirin. Lijneya Bilind a Hilbijartinan (YSK) eşkere kiribû ku delîlên betalkirina hilbijartina Şaredariya Bajarê Mezin a Stenbolê yek bi yek têrê nake ku hilbijartin pê bê betalkirin, lê belê dema li hemî delîlan bi hev re bê nêrîn divîya hilbijartin bihata betalkirin.
Bixwîne - Serokên lijneyên hilbijartinê dê ji bo hilbijartina nû erkdar bin
Hilbijartina Şaredariya Bajarê Mezin a Stenbolê 6ê Gulanê hatibû betalkirin. Biryara Delîldîyarkirî piştî 16 rojan hatibû weşandin.
7 endamên eslî û 4 endamên cihgir yên YSKyê kom bûne û biryar daye. 4 dadgerên endamên lijneyê diyar kiribûn ku delîlên heyîn têrê nake ku hilbijartin bê betalkirin.
Çima divîya betal nebûya?
AKPyê diyar kiribû ku ji ber hin berpirsên sindoqa ne karmendên dewletê bûne divê hilbijartin bê betalkirin lê çar endamên YSKyê diyar kirine ku ew yek têrê nake hemî hilbijartin bê betalkirin.
Çima divîya betal bibûya?
Endamên YSKyê yên ku biryar dabûn ku hilbijartin betal bibe diyar kirine ku “ferqa dengên Ekrem Îmamoglu(CHP) û Binali Yildirimî 13 hezar û 729 deng in. 754 berpirsên sindoqan ne li gor qanûnê hatine hilbijartin û ev yek dikare encama hilbijartinê biguhere.”
Li gor biryara YSKyê hilbijartina Şaredariya Bajarê Mezin a Stenbolê dê 23yê Hezîranê bê kirin. Herweha li şûna Ekrem Îmamogluyî waliyê Stenbolê, Ali Yerlikaya wek wekîl bûbû şaredar.
(AO/MB)