Dadkirina akademisyenan berdewam kir

Ji bo nûçeya tirkî bitikîne

Akademîsyenên ku “Danezana Em ê Nebin Şirîkên Vî Sûcî” îmze kirîn bi sûcê “propagandaya ji bo terorê” têne dadkirin.

Îro li 25em Dadgeha Cezayê Giran a Stenbolê (DCG) ji Zanîngeha Anadolûyê Alk. Doç. Dr. Meral Gurbuz û Doç. Dr. Mûrat Emeksîz, ji Zanîngeha Mardîn Artûklûyê Alk. Doç. Dr. Osman Eroglû,

Li 35em DCGyê ji Zanîngeha Nîşantaşiyê Prof. Dr. Melih Kirlidog,

Li 25em DCGyê jî ji Zanîngeha Pennsyvaniyayê xwendekarê doktorayê T. E û ji Zanîngeha Bîlgiyê ya Stenbolê dersdêr Yoruk Îlhan Kûrtaran hatin dadkirin.

Daxwaza dadkirina li gorî Xala 301ê hate kirin

Li 35em DCGyê ji Zanîngeha Nîşantaşiyê Prof. Dr. Melîh Kirlidog cara çarem derket pêşberî dadgehê.

Heyeta dadgehê biryar girt ku ji Wezareta Dadê bipirsin ka ji bo dadkirina li gorî Xala 301ê ya Qanûna Cezayan a Tirkan (TCK) destûrê didin an na. Ji ber wê jî biryar girt ku dosyayê bişînin Serdozgeriya Komarî ya Stenbolê.

Dadgehê ji ber heman sedemê biryar girt ku dadkirina Kirlidogî heta bersiv ji Wezareta Dadê were bide sekinandin. 

Çi bûbû?

Akademîsyenên ku “Danezana Em ê Nebin Şirîkên Vî Sûcî” îmze kirîn bi sûcê “propagandmeha ji bo terorê” têne dadkirin.

10ê Kanûna Paşiyê ya 2016ê daxuyaniyeka bi navê “em ê nebin şirîkên vî sûcî” hatibû belavkirin. 1128 akademîsyenên ji Însiyatîfa Akademîsyenên Aştîxwaz ew daxuyanî îmze kiribû.

Dozgerê bi navê Îsmet Bozkurt bi xala 7/2yê ya Qanûna Dij-Terorê(TMK) bi sûcê “propagandmeha rêxistinê” doz li akademîsyenan vekir.

Biryara cezayê girtinê

bianet kurdî ji destpêkê heta îro nûçeyên “akademîsyenên aştîxwaz” çêdike. Akademîsyenên ji bo wan biryara cezayê girtinê hatî dayin ev in:

Bixwîne - Dozên Akademisyenên Aştîxwaz hatin taloqkirin

* Prof. Dr. Mehşe Erzan - 1 sal 3 meh cezayê girtinê.

* Prof. Dr. Nesrin Sungur Çakmak - 1 sal 3 meh cezayê girtinê.

* Prof. Dr. Özdemir Aktan - 1 sal 3 meh cezayê girtinê.

* Öğr. Gör. Aslı Takanmeh – biryar nehatiye eşkerekirin.

* Doç. Dr. Esra Arsan - 1 sal 3 meh cezayê girtinê.

* Prof. Dr. Gülhan Türkmeh - 1 sal 3 meh cezayê girtinê.

* Yrd. Doç. Dr. Lütfiye Bozdağ - 1 sal 6 meh cezayê girtinê.

* Prof. Dr. Şebnem Korur Fincancı - 2 sal 6 meh cezayê girtinê.

Ji bo van kesan bêyî ku ji wan bê pirsîn ka ew dixwazin "eşkerekirina hikmî bê paşdedan" an na, hikmê li ser wan hatiye eşkerekirin:

* Lêkolînêr Onur Baysal - 28. Dadgeha Cezayên Giran - Salek û sê meh.

* Dr. Yonca Güneş Yücel - 28. Dadgeha Cezayên Giran - Salek û 6 meh. 

* Prof. Dr. Gençay Gürsoy - 37. Dadgeha Cezayên Giran - 2 sal û 3 meh.

(HA/FD)