Serokê Giştî yê BBPye: Ez dibêjim em 100 hezar ermeniyî dersînor bikin

Mûstafa Destîcî Serokê Giştî yê BBPyê ku partiya wî di rêkevtina Cûmhûrê de cî digire derbarê biryara Fransayê ya “Roja Yadkirina Qirkirina Ermeniyan” de axivî ye û gotiye: “100 hezar ermenî hene. Ez dibêjim ka em van dersînor bikin.”

Stenbol

Serokê Giştî yê BBPye: Ez dibêjim em 100 hezar ermeniyî dersînor bikin

Ji bo nûçeya tirkî / ingilîzî bitikîne

Serokê Giştî yê Partiya Yekîtiya Mezin (BBP) Mûstafa Destîcî gotiye ku “Ez dibêjim em 100 hezar ermeniyî dersînor bikin.” Destîcî sala 2016 û 2017ê jî heman tişt gotibû. Partiya Destîcî BBP yek ji hevkarên rêkevtina Cûmhûrê ye.

Emmanûel Macron, Serokomarê Fransayê 24ê Nîsanê weke “Roja Yadkirina Qirkirina Ermeniyan” ragihandibû. Destîcî, Macron û ermeniyên li Tirkiyeyê dijîn ji xwe re kiriye hedef.

Bixwine - Fransa: 24ê Nîsanê "Roja Yadkirina Qirkirina Ermenîyan" e

“Tu îdia dikî ku qirkirin hatiye kirin, em ret dikin”

“Hûn kî ne? Tu pêşiyê hesabê qirkirinên ku te kirine bidî. Tu li Cezayirê bû sedema mirina 2 milyon misilmanan. Te li Rûandayê piştgiriya derbeyê kir, 800 hezar mirov mirin. Tu pêşiyê hesabê van bidî. We duh dawa Qanûnî maç dikir û alîkarî dixwest. Tu kî yû ku pirêzê dike. Tu îdia dikî ku ermenî hatine qirkirin. Em vê ret dikin. Em qebûl nakin.

“Ne Macron, hemû dinya bibe yek jî nikarin vê bi me bidin qebûlkirin. Ev dereweke mezin e. Îro 100 hezar ermenî hene ku bi rengî qaçax tên û li welatê me zikê xwe tê dikin. Ez dibêjim em van dersînor bikin.” (PT/FD)

Cihê Nûçeyê

Navenda Nûçeyan a BIAyê