Leyla Guven tehliye bûye

Ji bo nûçeya tirkî / ingilîzî bitikîne

9em Dadgeha Cezayê Giran a Amedê, di danişîna xwe ya îro de biryara tehliyeyê ji bo Leyla Guven, parlamentera Partiya Demokratîk a Gelan (HDP) ya Colemêrgê û Hevseroka Kongreya Civaka Demokratîk (KCD) daye.

Guven ji bo tecrîta li ser Abdullah Ocalan, Serokê PKKyê rabe, ji 7ê Çiriya Paşiyê (Sermawez, Mijdar) ya 2018ê û vir ve li Girtîgeha Tîpa E ya Amedê di greva birçîbûnê de ye.

Pervîn Bûldan Hevseroka Giştî ya HDPyê û Dîlan Dîrayet Taşdemîr Berdevka Meclîsa Jinan, parlamenter û rêveberên HDPyê li gel çavdêrên navnetewî beşdarî danişînê bûne.

Li gorî biryara dadgehê wê Leyla Guven nekarîbe derkeve ji derveyî Tirkiyeyê.

Dadkirin wê 29ê Gulana 2019ê berdewam bike.

Çi bûbû?

Ji beriya 79 rojan wekîla Partiya Gelan a Demokratîk(HDP) ya Colemêrgê û hevseroka Kongreya Civaka Demokratîk, Leyla Guvenê daye zanîn ku wê dest bi greva birçîbûnê kiriye.

Bixwîne - "Çima Leyla Gûven di girtîgehê de ye?"

Guven ji 31ê Kanûna Paşiyê ya 2018ê ve li Girtîgeha Amedê ya Cûreyê Eyê girtî ye. Wê diyar kiriye ku ew bi awayek adilane nayê dadkirin ji ber vê yekê wê dest bi greva birçîbûnê kiriye, wê dema bidawîanîna grevê diyar nekiriye û dê dora girtina grevê nede ti kesan.

Bixwîne - Kampanyaya piştgiriya Leyla Guvenê hatiye destpêkirin

Parêzera Leyla Guvenê, Reyhan Yalçindag Baydemîrê ji bianetê re piştrast kir ku ew ketiye greva bêdor û bêdem kiriye.

Bixwîne - Dadgehê daxwaza tehliyeya Leyla Guven, Parlamentera HDPyê qebûl nekiriye

Leyla Guvenê li ser operasyona li Efrînê hatî kirin daxuyanî dane. Polîsan 22 Kanûna Paşiyê ew desteser kiriye û dozgerekê Amedê 31ê Kanûna Paşiyê biryara girtina wê daye.

Bixwîne - Biryara tehliyeya Leyla Guven, Parlamentera HDPyê derketiye

Leyla Guven kî ye?

Siyasetmedar e. Sala 1968ê ji dayik bûye. Demekê li Almanyayê maye. Sala 1994ê li Partiya Demokrasiya Gel (HADEP) di baskê jinan de kar kiriye.

Sala 2004ê di hilbijartina herêmî de ji bo Şaredariya Dîkîliya Biçûk a Edeneyê, sala 2009ê jî di hilbijartina herêmî de ji bo Şaredariya Wêranşarê hatibû hilbijartin.

Kanûna Pêşiyê ya 2009ê de di çarçoveya operasyona Koma Civakên Kurdistanê (KCK) de hat girtin. Piştî 5 salan girtî ma, sala 2014ê tehliye bû. Di heman dosyayê de 6 sal û 3 meh ceza wergirtiye.

Di hilbijartina 2015ê de li Rihayê di rêza çarem de ji Partiya Demokratîk a Gelan bûbû namzet. (AS/FD)