Dadgehekê sal û 3 meh cezayê girtinê li du akademisyenan birî

Ji bo nûçeya tirkî / ingilîzî bitikîne

Akademîsyenên ku “Danezana Em ê Nebin Şirîkên Vî Sûcî” îmze kirin û bi sûcê “propagandaya rêxistinê” tên dadkirin, danişîna wan ya li Edliya Stenbolê ya Çaglayanê bi rêve çû.

Îro li sê dadgehên cuda heft akademisyen hatin dadkirin.

Li 36em Dadgeha Cezayê Giran a Stenbolê (DCG) ji Zanîngeha Teknîkê ya Stenbolê lêkolîner û derhêner Emîn Alper û Alk. Doç. Dr. Kerem Eksen cara çarem,

Li 24em DCGyê ji Zanîngeha Bilgiyê lêkolîner M. E. Y cara duyem

Li 25em DCGyê ji Zanîngeha Bilgiyê dersdêr Ozlem Koseoglû cara duyem, lêkolîner Sureyya Topaloglû cara sêyem, Alk. Doç. Dr. Alper Akyuz cara çarem û ji Zanîngeha Sabanciyê Prof. Dr. S. I cara duyem derketin pêşberî dadgehê.

Cezayê girtinê li du akademisyenan hate birîn

Heyeta 36em DCGyê bi tohmeta ku “propagandaya rêxistina terorê kirine” li gorî Xala 7/2yê ya Qanûna Dijterorê (TMK) sal û sê meh cezayê girtinê li Emîn Alper û Kerem Eksenî birî.

Çi bûbû?

10ê Kanûna Paşiyê ya 2016ê daxuyaniyeka bi navê “em ê nebin şirîkên vî sûcî” hatibû belavkirin. 1128 akademîsyenên ji Însiyatîfa Akademîsyenên Aştîxwaz ew daxuyanî îmze kiribû.

Dozgerê bi navê Îsmet Bozkurt bi xala 7/2yê ya Qanûna Dij-Terorê(TMK) bi sûcê “propagandaya rêxistinê” doz li akademîsyenan vekir.

Ji 5ê Kanûna Pêşiyê ya 2017ê heta 5ê Îlona 2018ê 258 akademîsyen hatine dadkirin. Dadgehan ji bo her yek ji 19 akademîsyenan salek û sê meh cezayê girtinê dane.

Ji bilî Prof. Dr. Zübeyde Füsun Üstel û Prof. Dr. Büşra Ersanlıyê ji bo wan akademîsyenên dî hikim nehatiye dayin. Dadgehê diyar kiriye “ji ber ku wan daxwaza paşdedana hikmî nekiriye” û “ji ber ku li dadgehê qinaeta nîşan bide ew bêsûc in çênebûye” ji bo wan hikim hatiye dayin.

Alk.Doç. Dr. Esra Mungan, Alk.Doç. Dr. Muzaffer Kaya û Doç. Dr. Kıvanç Ersoy (15ê Adara 2016ê) û Alk.Doç. Dr. Meral Camcı (31ê adara 2016ê) bi xala 7/2yê ya Qanûna Dij-Terorê(TMK) bi sûcê “propagandaya rêxistinê” hatin girtin. Di 22yê Nîsana 2016ê serbest bûbûn.

*Dadgeha Stenbolê salek û sê meh cezayê girtinê da Dr. Gaye Yilmazê.

* Dadgeha Stenbolê salek û şeş meh cezayê girinê da Alk. Doç. Dr. Bulend Kuçukî, paşê ji ber tevgerên wî yên maqûl dadgehê cezayên wî kiriye salek û sê meh.

*Dadgehê salek û sê meh cezayê girtinê daye Dr. Gaye Yilmazê.

* Dadgehê salek û şeş meh cezayê girinê daye Alk. Doç. Dr. Bulend Kuçukî, paşê ji ber tevgerên wî yên maqûl dadgehê cezayên wî kiriye salek û sê meh. (TP/FD)