Di salekê de lêkolîna edlî li ser 110 hezar hesabên medya civakî hatiye kirin

Ji bo nûçeya tirkî  / ingilîzî bitikîne

Wezareta Karên Navxweyî eşkere kiriye, wezaretê di navbera  3 û 10ê Kanûna Pêşiyê ya 2018an de lêkolîn li ser 310 hesabên medyaya civakî kiriye û lêpirsînname ji bo 238 bikarhênerên medyaya civakî amade kirine.

Li gorî daxuyaniya Wezaretê, di navbera 3 û 10ê Kanûna Pêşiyê ya 2018an de bikarhênerên medyaya civakî bi parvekirinên xwe ev sûc kirine:

“Propagandaya ji bo rêxistinên terorî, pesindana wan rêxistinan, eşkereyî diyarkirina têkiliya wan a bi rêxistinên terorî re, xelkê sewqî kîn û nefretê kirin, hewildanên li dijî yekparçetiya dewletê û ewlehiya civakê.”

Herweha di sala 2018an de 7 hezar kes ji ber medya civakî hatine desteserkirin.

Dolar û Efrîn

1ê Tebaxa 2018ê piştî ku nirxê dolarê Amerîkayê li hemberî pereyê tirkan bilind bû û li Tirkiyeyê nîqaşa krîza aboriyê derket, Midûreyeta Giştî ya Emniyetê aşkere kir ku wan lêpirsîn ji bo 346 hesabên medyaya civakî vekiriye. Li gorî daxuyaniya Midûriyeta Emniyetê xwediyê van hesaban “manîpulasyonê li ser nirxê dolarî dikin û nêrîneke neyênî çêdikin.”

Wezaretê aşkere kiribû, ku di 26ê Sibata 2018an de  kesên ku li ser medyaya civakî ji ber rexnekirina tevgera Efrînê 845 kes hatiye desteserkirin. (AS/AY/MB)

*Abdulselam Yildirimî ev nûçe ji zimanê tirkî wergerandiye.