Sal û sê meh cezayê zindanîkirinê li 3 akademisyenan hate birîn

Ji bo nûçeya tirkî / ingilîzî bitikîne

Akademîsyenên ku “Danezana Em ê Nebin Şirîkên Vî Sûcî” îmze kirîn têne dadkirin. Duh (22ê Çiriya Paşiyê-Sermawez-Mijdar) li Edliyeya Stenbolê ya li Çalayanê çar akademisyen hatin dadkirin.

Li 26em Dadgeha Cezayê Giran (DCG), ji Zanîngeha Mîmar Sînanê Alk. Doç. Dr. M. T. T cara duyem,

Li 36em DCGyê jî, ji Zanîngeha Stenbolê Dr. Guven Gurkan Oztan û Prof. Dr. Gulhan Turkay û ji Zanîngeha Marmarayê jî Prof. Dr. Mehmet Riza Turkay cara çarem hatin dadkirin.

Cezayê girtinê li 3 akademisyenan hate birîn

Li 36em DCGyê heyeta dadgehê, bi tohmeta ku “propagandaya rêxistina terorê” kirine, sal û sê meh cezayê girtinê li sê akademisyenan birî. Dadgehê ceza li gorî Xala 7/2yê ya Qanûna Dijterorê (TMK) daye.

Dadgehê di biryara xwe de diyar kir ku ew ê aşkerekirina biryarê taloq bikin û Guven Gurkan Oztan û Mehmet Riza Turkayî ev biryar qebûl kirin. Lê Gulhan Turkayê got ku ew daxwaz nake aşkerekirina biryarê bê taloqkirin.

Li ser vê daxwazê dadgehê biryar girt ku Gulhan Turkay di salan di bin kontrola adlî de bê girtin û ceza bi vî awayî taloq kir. Dadgehê ev biryar li gorî Xala 51/3 ya Qanûna Cezayan a Tirkan (TCK) daye.

Çi bûbû?

10ê Kanûna Paşiyê ya 2016ê daxuyaniyeka bi navê “em ê nebin şirîkên vî sûcî” hatibû belavkirin. 1128 akademîsyenên ji Însiyatîfa Akademîsyenên Aştîxwaz ew daxuyanî îmze kiribû.

Dozgerê bi navê Îsmet Bozkurt bi xala 7/2yê ya Qanûna Dij-Terorê(TMK) bi sûcê “propagandaya rêxistinê” doz li akademîsyenan vekir.

Ji 5ê Kanûna Pêşiyê ya 2017ê heta 5ê Îlona 2018ê 258 akademîsyen hatine dadkirin. Dadgehan ji bo her yek ji 19 akademîsyenan salek û sê meh cezayê girtinê dane.

Bixwîne - Dozên Akademisyenên Aştîxwaz hatin taloqkirin

Ji bilî Prof. Dr. Zübeyde Füsun Üstel û Prof. Dr. Büşra Ersanlıyê ji bo wan akademîsyenên dî hikim nehatiye dayin. Dadgehê diyar kiriye “ji ber ku wan daxwaza paşdedana hikmî nekiriye” û “ji ber ku li dadgehê qinaeta nîşan bide ew bêsûc in çênebûye” ji bo wan hikim hatiye dayin.

Alk.Doç. Dr. Esra Mungan, Alk.Doç. Dr. Muzaffer Kaya û Doç. Dr. Kıvanç Ersoy (15ê Adara 2016ê) û Alk.Doç. Dr. Meral Camcı (31ê adara 2016ê) bi xala 7/2yê ya Qanûna Dij-Terorê(TMK) bi sûcê “propagandaya rêxistinê” hatin girtin. Di 22yê Nîsana 2016ê serbest bûbûn.

*Dadgeha Stenbolê salek û sê meh cezayê girtinê da Dr. Gaye Yilmazê.

* Dadgeha Stenbolê salek û şeş meh cezayê girinê da Alk. Doç. Dr. Bulend Kuçukî, paşê ji ber tevgerên wî yên maqûl dadgehê cezayên wî kiriye salek û sê meh.

*Dadgehê salek û sê meh cezayê girtinê daye Dr. Gaye Yilmazê.

* Dadgehê salek û şeş meh cezayê girinê daye Alk. Doç. Dr. Bulend Kuçukî, paşê ji ber tevgerên wî yên maqûl dadgehê cezayên wî kiriye salek û sê meh. (TP/FD)