Parêzeran ji bo tehliyeya Demîrtaşî serî li dadgehê dane

Parêzerên Demîrtaşî, piştî biryara DMMEyê, ji bo tehliyeyê serî li dadgehê dane.

Stenbol

Parêzeran ji bo tehliyeya Demîrtaşî serî li dadgehê dane

Ji bo nûçeya tirkî / ingilîzî bitikîne

Parêzerên Selahattîn Demîrtaş, Hevserokê berê yê Partiya Demokratî a Gelan (HDP) piştî biryara Dadgeha Mafên Mirovan a Ewropayê (DMME), ji bo tehliyeyê muwekilên xwe serî li dadgehê dane.

DMMEyê di biryara xwe de diyar kiribû ku ji bo Selahattîn Demîrtaş bê berdan divê hemû tedbîr bên standin.

Bixwîne - DMME: Divê Tirkiye biryarê pêk bîne, Erdogan: Me eleqedar nake

Demîrtaş ji 4ê Çiriya Paşiyê (Sermawez, Mijdar) ya 2016ê pê de li Girtîgeha Tîpa F ya Edîrneyê tê girtin.

Di bin daxwaznameya ku pêşkêşî dadgehê hatiye kirin de navê van parêzeran heye: Mahsûnî Karaman, Aygul Demîrtaş Gokalp, Benan Molû, Reyhan Yalçindağ, Ramazan Demîr, Sertaç Bûlûttekîn, Mûrat Arksak, Aydin Erdogan.

Bixwîne - Dadgeha Mafên Mirovan a Ewropayê: Bila Demîrtaş bê berdan

Di daxwaznameyê de parêzeran bal kişandiye ser nirxandinên DMMEyê yên derbarê sêrlêdana Demîrtaşî û gotine ku, “Serlêdana ku me bi hinceta ti bingeha hiqûqî ji bo girtîtiya muwekilên me nîne, bi armancên siyasî mafên wî yên azadî û ewlehiyê, mafê wî yên azadiya xweîfadekirinê û azadiya hilbijartinê hatine binpêkirin li Dadgeha Mafên Mirovan a Ewropayê dabû, îro bi encam bûye.”

Parêzeran bi vê armancê serî li 19em Dadgeha Cezayê Giran a Enqereyê dane û xwestine Selahattîn Demîrtaş bê berdan. (AS/FD)