Rojnamegerê ku dê ji Almanyayê bê derêxistin: Ev şerma Almanyayê ye

Ji bo nûçeya tirkî / ingilîzî bitikîne

Adil Yigit rojnamegerek e ku li Almanyayê dijî. Dewleta Almanyayê ew mecbûr kiriye ku heta 20 Kanûna Paşiyê ya 2019ê ji wê dewletê derbikeve.

Nêzîkî 35 salan e ku Yigit li Almanyayê dijî.

Berpirsiyariya Bîyanîyan ya Almanyayê jê re diyar kiriye ku “ew tiştên dibû sebep ku wî nedikarî vegere welatê xwe nemane û divê heta 20.01.2019ê vegere welatê xwe.

Yigit ji hevsera xwe ya welatiya Almanyayê cida bûye. Di hişyarnameyê de jê re hatiye gotin ku: “Êdî malbata wî ne yekparçe ye, ew bi zarokên xwe re najî û bêkar e.”

Wî gotiye çar zarok û du neviyên wî hene hemî welatiyên Almanyayê ne.

Namînim û nikarim vegerim

“Ez difikirim ku ev biryareka nijadperestane ye, ma nû tê bîra wan ku ez ji hevsera xwe cida bûme û malbata min ne yekparçe ye.

“Ez êdî nikarim li Tirkiyeyê vegerim. Rêya rojnamegeran diçe Silîvrîyê[girtîgeh]. Ew rewşa rojnamegerên wê derê dizanin. Li Tirkiyeyê çapemenî ne azad e. Ez nikarim li Almanyayê jî bimînim. Ez ê biçim welatekê dî. Bila ev şerm ya Almanyayê be.”

(EMK/MB)

 wêne: spiegel.de