Ji bo nûçeya tirkî / ingilîzî bitikîne
Hatiye îdiakirin ku O. F. D yê ku li navçeya Islahiyeyê ya Dîlokê leşkeriya neçar dikir, xwe kuştiye.
Hatiye diyarkirin ku O. F. D ji Rihayê ye û tengezar bûye.
Li gorî nûçeya di malpera Şanlıurfa63yê de hatiye belavkirin, O. F. D 7ê Çiriya Pêşiyê (Cotmeh) roja yekşemê ketiye Ezmûna Hilbijartina Karmendan (KPSS).
Cenazeyê O. F. D ji bo otopsiyê birine morga Saziya Tipa Edlî ya Rihayê û piştî lêkolînê, dane malbata wî. Her weha derbarê îdiayên xwekuştinê de lêpirsînname hatiye amadekirin.
Leşkerekî din ê Rihayî xwe kuştiye
Dîsa hatiye aşkerekirin ku beriya mirina O. F. Dyî bi du rojan, 14ê Çiriya Pêşiyê (Cotmeh) H. Ayê ji Herana Rihayê xwe kuştiye.
Li gorî zanyariyan H. A dema ji leşkeriyê destûr standiye û çûye Heranê xwe kuştiye.
Malpera Şanlıurfa63yê ji bo H. Ayî jî îdia kiriye ku pirsgirêkên wî yê psîkolojîk hebûye û H. A li goristana gund hatiye binaxkirin. (EKN/FD)
