Daxuyaniya hevpar ya sê wezîrên karê derve: Divê Erebistana Siûdiyê Bersivê bide

Ji bo nûçeya tirkî  bitikîne

Wezîrê karên derve yê Almanyayê Haiko Mass, wezîrê karên derve yê Fransayê Jean-Yves Le Drian û wezîrê karên derve yê Brîtanyayê Jeremy Huntî bi daxuyaniyekê dane zanîn ku divê Erebistana Siûdiyê li ser kuştina rojnamegerê bi navê Cemal Kaşikçi bide.

Bixwîne - Erebistana Siûdiyê: Ew rojnameger ji balyozxaneyê derketiye

Cemal Kaşikçi yek ji nivîskarên rojnameya The Washington Postê ya Dewletên Yekbûyî yên Amerîkayê(DYA) ye. Kaşikçi 2yê Çiriya Pêşiyê piştî ku çûyî Balyozxaneya Erebistana Siûdiyê bêserûşûn bûye. Balyozxaneyê diyar kiriye ku rojnameger ji avahiya wan derketiye.

Wezîran bi daxuyaniyekê gotiye:

“Em li benda hikûmeta Erebistana Siûdiyê ku ew daxuyaniyeka berfireh digel hûrgilîyan bide.”

Çi bûbû?

Ji 2yê Çiriya Pêşiyê saet 13.00ê û vir ve ti agahî ji Cemal Kaşikçiyî nayê wergirtin ku di wê demê de çûye Konsolxaneya Erebistana Siûdiyê ya li Stenbolê.

28ê Îlonê ji Kaşikçiyî re hatiye gotin ku “kaxizên te ne amade ne” û jê xwestine ku 2yê Çiriya Pêşiyê dîsa here Konsolxaneyê.

Dîmenên ku dema Kaşikçi dikeve Konsolxaneyê duh di rojnameya Washington Postê de hatibû belavkirin.

Ji bilî Reutersê û rojnamegerên ji Tirkiyeyê, Tûran Kişlakçi Serokê Komeleya Medyaya Tirkan û Ereban jî îdia kirine ku Kaşikçi hatiye kuştin û cesedê wî ji avahiya Konsolxaneyê hatiye derêxistin.

Di vê navberê de ji bo lêpirsîna edlî li Konsolxaneya Erebistana Siûdiyê bişopîne, Serdozgeriya Komarî ya Stenbolê, erk daye wekîlekekî serdozgeriyê û dozgerekî komarî.(AS/MB)

Wêne: AA