Ji bo nûçeya tirkî bitikîne
Cihgirê serokkomarê Tirkiyeyê, Fuat Oktayî gotiye, “em rêzê li wan parlamentoyan nagirin ku ew xwe li ber dîyasporaya ermeniyan ditewînin û tezên tirkan nas nakin.”
Wekîlê Amedê yê HDPyê(Partiya Gelan a Demokratîk) Garo Paylanî bersiva Oktayî daye. Paylanî gotiye: “Sekn û nêrîna dewletê ya nû ne rû-bi-rû-bûna bi dîroka xwe re ye lê înkar û asîmîlasyon e.”
Paylanî gotiye ti feydeyê nêrîna “tirkparêz” li gelên li Tirkiyeyê nîne.
“Ew kesên ku hûn dikin dijmin xizmên min in. Ew kes hemwelatiyên me ne.”
Li gor Zeteyê ji rojnameya Indipendentê ragihandiye van dewletan, Qirkirina Ermenîyan qebûl kiriye: 
Ermenîstan, Ûrûgay, Başûrê Qibrisê, Rûsya, Kanada, Libnan, Belçîka, Fransa, Yûnanîstan, Vatîkan, Îtalya, Siwîsra, arjantîn, Slovakya, Hollanda, Venezûella, Polonya, Lîtvanya, Şîlî, Siwêd, Bolîvya, Komara Çekan, Awistûrya û Sûriye.
Bi temamî hejmara dewletên qebûl kirine ku ‘’Ermenî Hatine Qirkirin’’ 25 e. Digel van dewletan Parlemana Ewropayê û Konseya Ewropayê jî Qirkirina Ermenîyan qebûl kiriye.
Li Dewletên Yekbûyî Yên Amerîkayê jî 50 dewletan Qirkirina Ermenan qebûl kiriye.
(EK/EKN/MB)
