Wêne: Beyza Kural / bianet
Ji b nûçeya tirkî bitikîne
21 xwendekarên Zanîngeha Bogazîçîyê îro li Dadgeha Cezayên Giran ya Stenbolê ya 32. têne dadkirin. 14 ji wan xwendekaran di girtîgehan de ne. Dadkirina xwendekarên girtî temam bûye, dadkirina xwendekarên dî dom dike.
Seroka Komîsyona Edebiyata Kurdî ya Zanîngeha Bogazîçîyê, Kubra Sagirê gotiye dema ew ji bo dersgehan dimeşiya dîtiye ku li ser rêya wê du kom minaqeşeyê dikin. Komekê maseyek bêyîdestûr daniye û bi komeka dî re ketiye minaqeşeyê.
Wê got:
"Ji ber dîmenên koma mase danî ev sê meh in di girtîgehê de me.Ez ji bo raya giştî û derdora min wek terorîstan hatim nîşandan. Min ji bo propagandaya rêxistineka terorî ti nekiriye."
Dadger: Te gotiye "Bijî biratiya gelan."
Kubra: Nayê bîra min.
Dadger: Tu kurdî dizanî?
Kubra: Zimanê min ê dayikê ye.
Dadger: Kurdî zimanê min jî yê dayikê ye ji ber wê ez ev qasê rewan dibêjim. Tu wateya van gotinan dizanî?
Kubra: (bi zimanê tirkî) yaşasın halkların kardeşliği!
Xwendekar bi Qanûna Têkoşîna Dij-Terorê, bi sûcê “propagandakirina ji bo rêxistina terorî” têne dadkirin.
Bixwîne - Du xwendekarên din li Zanîngeha Bogaziçiyê hatine desteserkirin
Sevda Ozturk, Esen Deniz Ustundag, Yusuf Noyan Ozturk, Zulkuf Erkol, Şukran Yaren Tuncer, Berke Aydogan û agah Suat Atay hatin dadkirin. Wan diyar kir ku ew bêsûc in.
|
Di 19ê Adarê de komek xwendekar ji bo pîrozkirina çûna Efrînê ya leşkeran dest bi belavkirina liquman kirine. Komek xwendekarên li dijî şerî pankartek vekiriye û ev yek protesto kiriye. Hat îdiakirin ku hingê êrîş li maseyê liquman hatiye kirin. Di 20ê Adarê de, şaxê ciwanan yê Partiya Dad û Geşepêdanê(AKP) "êrîşa li maseyê liquman" protesto kiriye û digel polîsan meşiyaye. Serokatiya zanîngehê bi daxuyaniyeka nivîskî diyar kiriye "êrîşa li standê nayê qebûlkirin." Polîsan di 22yê Adarê de 7 xwendekarên Zanîngeha Bogazîçîyê li Kampûsa zanîngehê desteser kiribûn, xwendekarên desteserkirî serbest bûn. Pênc xwendekarên li mal û warên xwendekaran hatîn desteserkirin. Xwendekarên ji desteserkirinê nerazî li medyaya civakî dane zanîn ku "xwendekarên di roja bûyerê de ne li zanîngehê jî hatine desteserkirin, ev yek nîşan dide ku tê xwestin muxalefet bêdeng bibe." Dema xwendekar ji bo diyarkirina nerazîbûnê kom bûyîn polîsan dora wan girtiye û heft kes desteser kirine. Recep Tayyîp Erdoganê serokkomar li ser bûyerê gotibû: "Divê vê yekê bibêjim ku em hemî xebatê li ser van ciwanên terorîst dikin. Em ê rû û dirûvê wan tesbît bikin û em ê mafê xwendinê nedin wan." Di 26ê Adarê de, Rapornivîsa Parlamentoya Ewropayê ya ku berpirsa raporên li ser Tirkiyeyê ye, Katî Pîrîyê da zanîn ku "[Serokkomar, Recep Tayyîp] Erdoganî xwendekarên şernexwaz wek terorîst bi nav kir, li Tirkiyeya nû rexnekirin karekê zehmet e." 21 xwendekarên Zanîngeha Bogazîçîyê dê 6ê Hezîranê li Dadgeha Stenbolê ya li Çaglayan a Stenbolê bêne dadkirin. |
Çi bûbû?(TP/MB)
