Prof. Bûgrayê ji bo hevjînê xwe Osman Kavalayî daxuyaniyek belav kir

Ji bo nûçeya Tirkî / İngilîzî bitikîne

Akademisyena Zanîngeha Bogazîçiyê Prof. Dr. Ayşe Buğrayê li ser biryara girtinê ya hevjînê xwe Osman Kavalayî daxuyaniyek nivîskî belav kir.

Buğrayê biryara girtinê biryareke metirsîdar nirxand û bal kişand ser vê biryarê ku tê gotin Osman Kavala “Beşdarî hewldana derbeyê ya 15yê Tîrmeha 2016 bû ye û organîzator û rêveberê berxwedana Geziyê ye ku ‘hemû rêxistinên terorê (FETO/PDY – PKK/KCK – DHKPC, MLKP) bi awayekî aktîf beşdar bûne û piştgirî dane’.”

Prof. Dr. Buğrayê her wiha ji bo zabitnameyên bûne sedema girtina Kavalayî jî diyar kir, di dema wan kesên niha ji ber FETO/PDYyê tên dadgehkirin hatine amadekirin ku wê gavê li ser kar bûn û wiha berdewam kir: “Her biryara ku li gorî van pratîkan tên dayin, dihêle ku dema dadgehkirinê meşrû bibe.”

Buğrayê wiha got: “Bi biryara girtinê re ne tenê azadiya Osman Kavalayî, her wiha hêviyên me yên ji bo demokrasî, aştî û serweriya hiqûqê jî me ji dest da.” (EKN/FD)