.jpg)
Ji bo nûçeya Tirkî bitikîne
Parlementera Edeneyê ya HDPê Meral Daniş Beştaş di pêşnûmeya ku da Serokatiya Meclisê de daxuyand ku ew hingî hatiye girtin hê jî tecrîtkiri ye û di hucreyê de tê girtin.
Meral Daniş Beştaş di pêşnûmeya xwe de got ku her çiqas wê îtiraz kiribe jî destê wê kelepçe kirine û bi wî awayî sewqî Girtîgeha Silivriye kirine û ji roja hatiye girtin heta niha jî di hucreyê de bi tenê tê girtin. Daniş Beştaş ji Serokatiya Meclisê vê pirsî kir: “Helwesta we ya derbarê îşkenceya li parlementeran tê kirin çiye?”
Pirsên ku Meral Daniş Beştaş ji Serokatiya Meclisê pirsî ye wiha ne:
*Gelo agahiya we heye ku parlementereke endamê we ji hêla polîsan ve hatiye binçavkirin?
*Sedan polîs nîvê şevê avêtine ser mala parlementer de û wê binçav kirine. Gelo hûn vê yekê çawa dinirxînin?
*Gelo agahiya we pê heye ku destê parlementera we hatiye binçav kirin?
*Gelo binçavkirin û kelepçekirina parlementerek îtibara meclisa we naşkîne?
*Agahiya we jê heye ku ez 15 roj in di girtîgehê de tecrîtkirî me?
*Gelo agahiya we ji rewşa parlementerên ku di girtîgehê de ne heye?
*Eger agahiya we tine be, hûnê derbarê mijarê de tu xebat bikin an na?
*Di vê dema guhertina makeqanûnê de endameke Komîsyona Makeqanûnê girtî ye. Hûn vê yekê çawa dinirxînin?
*Derbarê serbestberdana parlementeran de tu hewldaneke we heye?
(EKN/YO)
