Ji bo nûçeya Tirkî / İngilîzî bitikîne
Piştî civîna Sendîkaya Karmendan(Memur-Sen) û Wezareta Xebat û Ewlehiya Civakî, wezaretê biryar da: Ji bo şeş mehên destpêka 2018ê ji sedî 4, ji bo şeş mehên dawiya 2018ê ji sedî 5 dê li mehaneyan(mûçe) bê zêdekirin.
Wezîra Wezareta Xebat û Ewlehiya Civakî, Jûlîde Sarieroglû duhî eşkere kiribû ku ji bo 2018ê wezaret teklîfa ji sedî 3,5 ji bo şeş mehên destpêkê û ji bo şeş mehên dawiyê ji sedî 3,5 zêdekirina mehaneyan dide.
3 milyon û 200 hezar karmendên dewletê û milyonek û 900 hezar kesên ji karmendiyê teqawîtbûyîn hene. Ev guhertin dê rasterast tesîrê li wan bike.
Hevdîtinên ji bo girêbesta karmendan di 3yê Tebaxê de dest pê kiribû.
Ferqa Enflasyonê dê bê dayin.
Wezîra Wezareta Xebat û Ewlehiya Civakî bi daxuyaniyekê eşkere kir ku wezaretê û karmendan ji bo zêdekirina mehaneyan li hev kiriye. Li gor rapora TUIKê(Saziya Statîstîkan a Tirkiyeyê) ya ku di Tîrmehê de hat weşandin de enflasyona li Tirkiyeyê ji sedî 9,44 e.
Memûr-Sen: Bila ji sedî 10+6 be
Memûs-Senê di teklîfa xwe ya pêşiyê de xwestibû ji bo sala 2018ê ji sedî 10+6 zêde bibe. Sendîkayê plana wê yekê dikir ku ji bo sala 2019ê jî ji sedî 10+8 zem(zêdekirina mehaneyan9 bê kirin(NV/MB)
