Ji bo nûçeya Tirkî bitikîne
Tê gotin ku kesekî/keseke navê Satoshi Nakamoto bi kar tîne sala 2008yê Bitcoin çêkiriye. Bitcoin yekem pareyê dijîtal e ku bi ti navendan ve ne girêdayî ye.
Kes nizane bê Satoshi Nakamoto kî ye. Dibe ku kesek yan jî komekê Bitcoinê derxistibe holê. Hûn dixwazin bawer bikin dixwazin nekin. Agahiyek heye ku Satoshi Nakamoto Japonekî 34 salî ye.
Hin nîqaş li ser binavkirina Bitcoinê jî hene. Hin kes dibêjin ku ne weke pare lê baştir e weke bedêl ango amûra pevguheranê bê binavkirin. Gotina pareyê krîpto (bişîfre) / bedêlê ewletir e.
8 sal in ku ji bo gelek sedeman tê bi kar anîn. Tê gotin ku dema nû derketiye holê ji ber gelekî erzan bûye hin kesan tenê ji bo meraqê Bitcoin kirî ne û niha dewlemend bûne.
Dewlet jê aciz in
Dewlet û banke pareyên krîtpoyê hêzeke ji derveyî kontrola xwe dinirxînin. Nûçeyên weke “Koreya Başûr wê yaseyê ji bo girtina borsayan yên pareyên krîptoyê amade bike”, “Bitcoin bi ‘Koreya Başûr’ re gelekî hişk daket”, “Nirxê Ethereumê dikeve, yê Bitcoin gelekî kêmtir ket, “Çar bankeyên mezin hesabên xwe yên Bitcoinê cemidandin”, “Çîn difikire ku sînoran ji bikarîna enerjiyê ya berbesvanên Bitcoinê re deyne” li ser hev hatin belavkirin.
Çîn ji bo berbesvanên pareyên krîpto navendeke girîng e. Berbesvanên pareyên krîpto ji bo ku pareyan çêbikin hewceye problemên matematîkê yên gelekî tevhilev ji hev derxin û wan pesend bikin. Ji bo vê jî komputerên xurt divê. Ji ber wê jî berbesvan li Çînê li herêmên ku elektrîk lê zêdetir e û buhayê elektrîkê kêmtir e, germahiya wan herêman ne zêde ye û gelek kes lê najîn tercîh dikin.
Li gorî Bloombergê ji sala 2016yê heta niha buhayê Bitcoinê ji sedî 1000î zêdetir bûye. Hin pare hene ku buhayên wan ji sedî 3000î derbas kirine.
Bitcoin pareyê ku herî zêde tê naskirin û tê kirîn. Li gel wê Litecoin, Ethereum, Ripple, Monero, Dash û hin pareyên din hene.
Li gorî daneyên coinmarketcap.comê niha 800 pareyên krîpto hene û li piyasa pareyan qasî 170 milyar dolaran dikin.
Li gorî coinmarketcap.comê pareyên ku herî balkêş ên li vê piyaseyê wiha ne:
SexCoin (SXC)
Sexcoin xwe bi wî awayî dide naskirin ku “Sektora kesên mezin ên li ser bingehê zayendîtiyê ji xwe re dike hedef.”
Kesên bixwazin bi vî pareyî dikarin “tiştên ji bo kesên kamil” bikirin.
Buhayê wê: $0,010023
Sêwirandin: 380
Qeware (di 24 saetên dawiyê de): $8.663
Nirxê wê yê bazarê: $1.245.924
Gera wê: 124.311.414 SXC
Pêşkêşiya giştî: Agahî nîne
PotCoin (POT)
PotCoin ji bo wê armancê hatiye avakirin ku kesên berhemên marihuanayê dikirin û difiroşin li vir hev dû dibînin.
Buhayê wê: $0,118722
Sêwirandin: 132
Qeware (di 24 saetên dawiyê de): $676.796
Nirxê wê yê bazarê: $25.858.434
Gera wê: 217.806.587 POT
Pêşkêşiya giştî: Agahî nîne
PutinCoin (PUT)
Ew pareye ku ji bo “rêzgirtina” li Serokdewletê Rûsyayê û gelê wê hatiye çêkirin.
Buhayê wê: $0,039835
Sêwirandin: 226
Qeware (di 24 saetên dawiyê de): $59.045
Nirxê wê yê bazarê: $7.990.385
Gera wê: 200.588.064 PUT
Pêşkêşiya giştî: 2.000.000.000 PUT
PutinClassic (PUTIC)
Û PutinClassic jî heye.
Xwe bi wan gotinan dide naskirin ku “li cîhanê yekem pareyê krîpto yê bîrewerî” ye.
Him dikare weke yadîgar were veşardin him jî dikare bi wê kirîn û firotin bê kirin.
Buhayê wê: $0,001797
Sêwirandin: 716
Qeware (di 24 saetên dawiyê de): $19
Nirxê wê yê bazarê: $61.098
Gera wê: 34.181.854 PUTIC
Pêşkêşiya giştî: 84.181.854 PUTIC
UFO Coin (UFO)
Pareyê herî nû yê dijîtal e.
Îdia dike ku sîstemeke bişîfrekirin a xurtir bi kar tîne û ji ber wê toreke ewletir ava dike.
Peter Bushnell kesê ku UFO Coin çêkiriye, yek ji berbesvanên kevn ê Bitcoinê ye.
Buhayê wê: $0,000190
Sêwirandin: 415
Qeware (di 24 saetên dawiyê de): $1.799
Nirxê wê yê bazarê: $645.987
Gera wê: 3.394.283.762 UFO
Pêşkêşiya giştî: Agahî nîne
Fuck Token (F*ck)
Fuck Token di wê îdiayê de ye ku ji bo kesên wê bikirin “fersendên bêhempa pêşkêş” dike.
13ê Tîrmehê derketiya bazarê.
Buhayê wê: $0,081893
Sêwirandin: 299
Qeware (di 24 saetên dawiyê de): $23.448
Nirxê wê yê bazarê: $3.537.239
Gera wê: 43.193.633 F*ck
Pêşkêşiya giştî: 70.856.774 F*ck
Dogecoin (DOGE)
Jackson Palmer rêveberê komeke berheman ji Adobeyê, Billy Markus endezyarê nivîsbarî dibêjin ku zêde li ser nefikirîne û ew avakirine.
Palmer dibêje ku, “Şevekê ez kar derketim, min bîra vedixwar, demên min ên vala gelek bû. Ez rûniştim û min Dogecoin.com kirî.”
Paşê Markûs tevlî wî dibe û li ser Dogecoin.comê pareyên krîptoyê çêdikin.
Buhayê wê: $0,002183
Sêwirandin: 35
Qeware (di 24 saetên dawiyê de): $10.408.300
Nirxê wê yê bazarê: $242.132.855
Gera wê: 110.894.618.419 DOGE
Pêşkêşiya giştî: Agahî nîne
Ethereum (UET)
Ji bo Ethereumê wiha hatiye gotin: “Hûnê li ser înternetê pare bidin kesekî ku hûn wî nas nakin. Û ew jî wê rabe ji xwe re hin tiştan bikire. İhtimale ku wê hin kelûpelên elektronîk bikire. Dibe ku televizyoneke mezintir ji xwe re bikire. Ji ber we vî pareyî nekirin. Bi rastî jî.”
Lê digel vî tiştî mirovan li van gotinan guhdar nekiriye û piştî ku ev pare daketiye bazarê nirxê wê di demeke kurt de 40 dolar borandiye. Niha li derdora 0,02 dolaran kar dike.
Buhayê wê: $0,022373
Sêwirandin: 685
Qeware (di 24 saetên dawiyê de): $23.448
Nirxê wê yê bazarê: $88.725 (18 BTC)
Gera wê: 3.965.716 UET
Pêşkêşiya giştî: Agahî nîne
(HK/FD)
Çavkanî: BBC Tirkî, Bloomber, Rojnameya Dünyayê
