Parêzerê Kadirovayê: Dozgerîyê dest bi lêkolînê nekiriye

Ji bo nûçeya tirkî / ingilîzî bitikîne

 Guman heye ku Nadira Kadirova hatibe kuştin, parêzera wê eşkere kiriye ku dozgerîyê lêkolîn nedaye dest pê kirin.

Parêzera Kadirovayê, Mujde Tozbeyê eşkere kiriye ku ew ê dest ji dozê bernedin heta bigihin encamekê.

Nadira Kadirovayê karên malan dikir. Ew 23 salî bûye. Armanca wê ew bû ku li Tirkiyeyê dest bi xwendina zanîngehê bike.

Li mala wekîlê AKPyî

Li mala wekîlê AKP (Partiya Edalet û Pêşketinê) termê wê hatiye dîtin û hatiye îdiakirin ku wê xwe kuştiye. Lê guman heye ku ew hatibe kuştin.

Piştî mirina Kadirovayê bi hezaran kesan li medyaya civakî pirsî: Gelo çi ji Nadirayê hatiye?

Parêzer, Mujde Tozbeyê ji bianetê re got:

“Li gor rêbazê divîya piştî rapora otopsîyê dozgerîyê eşkere bikiriya ku bûyer bûyereka xwe-kuştinê ye. Lê Emniyetê eşkere kiriye. Ev bi xwe gumanekê çêdike.

Îstismara cinsî

“Nadirayê ji hevalên xwe re gotiye ku îstismara cinsî lê hatiye kirin. Dozgerîya Enqereyê bi lez û bez di du rojan de rapora edlî standiye û kiriyarên fermî temam kirine. Daxuyanî hat dayin ku wê xwe kuştiye. Ev hemî bûyer nîşan didin ku guman li ser mirina wê heye.

Fûhûş

“Li şûna dozgerî lêbikole ka bûyer çi ye. Ji xelkê dipirse ka Nadirayê fûhûş dikir an na. Ti têkiliya fûhûşê û kuştin û îstismarê bi hev re nîne.

“Lêkolîna li ser fûhûşê şêlokirina û reşkirina navê Nadirayê ye.”

(EMK/MB)