3. Rojên Wêjeya Berawirdî yên Amedê îro dest pê dike
Ji bo nûçeya tirkî bitikîne
3. Rojên Wêjeya Berawirdî yên Amedê bi beşdariya gelek nivîskar, helbestvan û nîqaşên cihereng wê di navbera 25ê Îlonê û 31ê Çiriya Pêşiyê de pêk were.
Bername bi hevkarîya Weşanxaneya Lîsê û Navenda Hunerê ya Amedê û bi piştevaniya Qadên ji bo Çandê li dar dikeve.
Rojên Berawirdî yên Amedê roja înê, 25ê Îlonê saet di 20.00ê de wê bi axavtinên Abdulla Peşêw û Gunduz Vassafî dest pê bike.
Abdullah Peşêw bi helbestên xwe yên bi temaya azadî bûye yek ji navên girîng yê wêjeya Kurdî û Gunduz Vassaf jî bi wan xebatên xwe tê nasîn ku tê de ranêzikîyên cuda ji bo çand, dîrok û jîyana civakî nîşan dide.
Heman rojê di gotûbêja bi navê “Edebîyat û Dahatûya Pêjnkar” Burhan Sonmez û Gaye Boralıoglu, di ser berhemên xwe re rewşa dinyaya ku em tê de ne ji pencereya wêjeyê wê gengeşe bikin.
"Bavê Nazê mêvanê rûmetê ye"
Bavê Nazê, mêvanê rûmetê yê bernameya îsal e ku jîyana xwe daye ser wêjeya Kurdî û berhemên wî ji bo gelek zimanan hatine wergerandin.
Di roja 26ê Îlonê û di bernameya bi navê “Cîhana Bavê Nazê: Rasteqînî û Jê Wêdetir” de, dê gengeşe li ser dinyaya berhemên nivîskar bê kirin. Û çalakîya îsal, bi tevkarîya gelek nivîskarên ji ziman û cografyayên cuda, wê qadeke gengeşe û hizirînê ava bike.
Bernameya ya îsal wiha ye
Bernameya Rojên Wêjeya Berawirdî yên Amedê, roja şemîyê ya 31ê meha Çirîya Pêşîn, bi axaftina Bavê Nazê wê bi dawî dibe.
Ji ber şewba Covid-19ê îsal wê bername bi awayekî online pêk were û hemû çalakî wê li ser kanala Youtubeyê ya Wêjegeh Amedê were weşandin. (FD)