Rapbêj XEM: Ger ez carek din bêm dinê, dixwazim wekî Kurdekî xwedî dewlet bim
.jpg)
Fotograf: Murat Bayram / bianet
Rapbêj XEM mêvanê vê xeleka rêzehevpeyvîna me ye. XEM yek ji wan navan e ku di van salên dawiyê de bi stranên xwe û bi bernameyên Kurdish Rap Nightê balê dikişîne ser xwe.
XEMî ji bo pirsa "Heke careke din tu werî dinê, tu dixwazî di rewşeke çawa de bijî? Tu dixwazî çi bikî?" ev bersiv da: "Ger ez carek din bêm dinê, dixwazim wekî Kurdekî xwedî dewlet û mirovekî dewlemend werim dinê."
Kerem bikin em bersivên XEMî bixwînin:
1- Van rojan tu bi çi mijûlî?
Projeyên min ê feat/duet heye li ser wan serê xwe diêşînim û ji bo albûma min a nû stranên xwe amade dikim. Her wiha ji bo konsera me ya Kurdish Rap Night Vol3 jî xwe amade dikim.
2- Heke careke din tu werî dinê, tu dixwazî di rewşeke çawa de bijî? Tu dixwazî çi bikî?
Ger ez carek din bêm dinê, dixwazim wekî Kurdekî xwedî dewlet û mirovekî dewlemend werim dinê û li gor dilê xwe azad bijîm û têr bigerim. Ez dixwazim dîsa jî li ser mûzîkê û hûnerê mijul bibim.
3- Di nava rojê de herî zêde tu ji çi hezdikî ku bike?
Di jîyana xwe ya rojane de herî zêde ji gohdarkirina mûzîkê û afirandina mûzîkê hez dikim. Ji temaşekirina fîlm, rêzefilm û belgefîlma hez dikim. Li ser internetê ji lêkolîna mijarên balkêş û ji rewşşopandinê hez dikim. Ji gera cîhên nû hez dikim, bi malbat, dost û hevalan re dem derbas kirinê hez dikim.
4- Dixwaze jiyaneke çawa bijî?
Di destpêkê de dixwazim jîyaneke azad bijîm. Dixwazim di navenda jîyana min de tenê hûner (mûzîk,sînema,şano,design
Fotograf: Burhan Durmaz
5- Bûyer an jî kesekî/e ku di jiyana te bandoreke mezin li ser te kiribe heye? Hebe bandoreke çawa li te û jiyana te kiriye?
Erênî an jî nêyînî gelek kes û bûyer hene ku bandora wan li ser min û jîyana min çêbûn. Ez bikevim nav de nikarim ji nav derkevim :) Lê bi kurtasî XEM di temenê xwe yê kurt de gelek tişt dît, jîya, fahmkir, naskir, hîn bû û pişt re rêya xwe xêz kir. Li ser rêya wî jî ev dîtin, jîyîn, fahmkirin, naskirin, hîn bûn her berdewam dike. (FD)
Edîtorê bianet kurdiyê ye. Ji Zaningeha Marmarayê, ji beşa Rojnamegerîyê derçûye. Li Zaningeha Marmarayê di beşa Rojnamegerîyê de masterê dike. Di rojnamaya Birgünê, Dicle Haber Ajansı (DİHA), Dem Tv, Rûdaw Tv û Sputnik Kurdistanê de wek nûçegîhan, edîtor, gerînendeyê nûçeyan û şef edîtor kar kiriye. Edîtorî û redaktoriya gelek pirtûkan kiriye. Yek ji nivîskarên “E- Kitêba Rojnamegeriya Kurdî a Dijîtal”, “Ferhengoka Kurdî-Tirkî ya Nûçegihaniya Zayenda Civakî” ye. Nivîseke wî ya lêkolînê di pirtûka “Haber Analizi ve Arşiv İncelemeleriyle Türkiye’de 9 Gazete” de hatiye weşandin. Li bianetê û Botan Internationalê, di Kargehên Medyaya Kurdî de dersên dîroka çapemeniya kurdî, rojnamegeriya mafparêz û hevpeyvînan daye. Pirtûkek bi navê "Guldesteyek ji Baxê Rewanê" (Sor Yay.), yek jî bi navê "Çîrokên Şêwra Ermenan" (Cervantes Yay.) derxistiye. Xwediyê Xelata Rojnamegeriyê ya Mûsa Anterî û Rojnamegerên Çapemeniya Azad (di beşa nûçeyên kurdî de) yê sala 2023yan e.
Diyarname 29 Reşemî: Ev rojname wê her ji çar salan carekê çap bibe
Weşana kurdî ya Radyoya Swêdê piştî 23 salan bi dawî bû: “Radyo pirek bû”
Muzîka Kurdî 2023: “Nazdar Nazdar”, Koma Amed, Şivan Perwer, hunermendên jin
LI STENBOLÊ WÊ DIBISTANA MUZÎKÊ YA EGÎDÊ CIMOYÊ VEBE
“Em dixwazin Egîdê Cimoyên nû derkevin”
“Dema em li betlaneyê bûn, rêveberiya Kurdistan24ê em ji kar derxistin”
