Li Rûhayê hunermendê ebrûyê Mehmet Alper Çîftçî ji qumaşên rengîn kincên wek şal, cil û berg û îşlikan disêwirîne.
Çîftçî hunera ebrûyê li ser qumaş jî çêdike û bi van qumaşan va kincên rengîn çêdike û kincên wî tên ecibandin.
Çîftçî daxuyanî da nûçegihanê AAyê û got ku ew hunera ebrûyê li ser dar, texte, kevir, qumaş jî çêdike.
Çîftçî diyar kir, ew di çêkirina qumaş da bi temamî berên siruştî dixebitîne û ebrûyê li ser qumaş dineqişîne û wiha dewam kir:
"Ez firçeyên ku ji mûyê hespan û çiqlê gulê hatine çêkirin, dixebitînim. Ebrûya em çêdikin bi temamî li ser ava siruştî ye û boyaxên ku ji axê hatine bidestxistin em dixebitînin. Piştî ku em ebrûyê li ser qumaş dineqişînin, em bi wî qumaşî va şalpe, şal, kinc, îşlik û qravêtê çêdikin."
Çîftçî diyar kir, kincên ku ew bi hunera ebrûyê rengê wan didê, rojane jî meriv dikare li xwe bike û wiha dewam kir, "Taybetiya herî mezin a van kincan, piştî şûştinê boyax jê naçe."
Çîftçî diyar kir ku ziyaretvanên ku li kuçeya Hunerê digerin, kincên wî pir diecibînin û wiha dewam kir, "Jin dema ku kincan dibînin, dibin hijmetkar. Wexta ku li xwe dikin jî pir kêfxweş dibin."
(MB)
*Çavkanî: İbrahim Atmaca |Ajansa Anadoluyê
