Biharê bi Şahiya Çandên Stenbolê pêşwazî bikin

Ji bo nûçeya Tirkî bitikîne

Şahiya Çandên Stenbolê sibê dest pê dike.

Şahî di çarçoveya projeya Pêşxistin û Bihêzkirina Aktorên Civaka Medenî yên Cûrbicûriya Çandî ya li Stenbolê de wê weke bernameya dumahîkê çêbibe ku ev proje di bin banê Zanîngeha Bîlgiyê ya Stenbolê de bi rê ve diçe. Anadolû Kultur, Weqfa Civaka Zelal û Serkonsolosxaneya Swêdê li Stenbolê piştevaniya projeyê dikin.

Di çarçoveya vê projeyê de 22yê Sibatê di bin navê “Medyaya Stenbola Pirhejmar” de pêşangehek hatibû vekirin.

Şahî di navbera 27-28 û 29ê Nîsanê ya 2018ê de li Navenda Kurkketina Civakî ya li Kampûsa Stanralîstanbûlê ya Zanîngeha Bîlgiyê wê li dar bikeve.

Di Şahiya Çandên Stenbolê de wê nûnerên ol, bawerî û çandên cuda ên Stenbolê li Kampûsa santralÎslanbûlê werin ba hev û wê atolye çêbibin, kurtefilm û belgefilm bên nîşandan, helbest bên xwendin û stran bên dayin.

Bulent Bîlmez ji Beşa Dîrokê ya Zanîngeha Bîlgiyê ya Stenbolê koordînatoriya projeyê dike û wê şahî 27ê Nîsanê roja înê bi bernameyeke taybet dest pê bike ku di navbera saet 15.00 û 17.00ê de wê çêbibe. Di bernameyê de wê civîna Medyaya Stenbola Pirhejmar bi rê ve biçe û malpera înternetê ya Çandên Stenbolê bê nasandin.

Herweha wê di çarçoveya şahiyê de stantên rêxistinên mafên mirovan, weşanxane, komele û weqfan, 28 û 29ê Nîsanê di navbera saetên 11.00 û 19.00ê de vekirî bin.

Saziyên ku beşdarî şahiyê dibin ev in

Weşanxaneya Arasê, Navenda Lêkolînên Dêrsimê, Rojnameya Dêrsimê, Weşanên Dêrsimê, Komeleya Piştevanî û Çanda Ermeniyan, Kovara Çand, Ziman, Dîrok a Hemşînan a bi navê Gorê, Komeleya Lêkolîn û Domandina Çanda Hemşînan (HADİG), Komeleya Çandê ya Kafkasan li Stenbolê, Rojnameya Jinepsê, Komeleya Dostaniyê ya Îngûş a Kafkasan, Kovara Barê, Komeleya Lêkolînên Kurdan, Enstîtuya Lazan, Kolektîfa Weşanê ya Lazîkayê, Komeleya Çandê ya Lazê, Nûbihar, Navenda Lêkolîna Çandê ya Sefaradên Tirk ên Osmanî, Komeleya Weqfên Civaka rûman, Weqfa Perwerde û çandê ya Şamîlê, Komeleya Çand û Ziman a Zazayan.

Di çarçoveya bernameya şahiyê de wê 28ê Nîsanê saet di navbera 17.30 û 18.30 deqîqeyan de bi beşdariya Kerem Tekoglû, Miraz Ronî û Krîstîn Ozbeyê helbestên Kurdî bên xwendin.

Dîsa wê di navbera 18.30 û 20.00 deqîqeyan de filmê bi Zazakî ye bi navê Zimistan Veciyo yê Gokhan Tûnçî û yê bi Kurmancî yê bi navê Da, yê Aram Dildarî bê nîşandan.

29ê Nîsanê di navbera saetên 16.00 û 17.00ê de jî wê bi alîkariya Kerem Tekoglû wê dengbêj Mihimedê Semê û Mihemedê Serhedî kliman bibêjin. (HK/FD)