Ji bo nûçeya Tirkî / İngilîzî bitîkine
Li 23yemîn Dadgeha Cezayê Giran a Stenbolê 4emîn daneşîna doza esasî ya rojnameya Ozgur Gundemê birêve çû.
Bersûcên serbest Eren Keskîn, Necmîye Alpay û Asli Erdogan û yên girtî Kemal Sancili û Înan Kizilkaya beşdarî dadgehê bûn.
Nûnerên serkonsolosiyên Swêdî, Hollendî, Îngîlîz û Almanî û her wiha Rêxistina Efûyê ya Navdewletî dişopînin.
Di daneşînê de dokumanên ku hatine şandin hatin xwendin û daxwaza serbestiyê hatin standin.
Kizilkaya: Ji bilî rêzikên rojnamegeriyê di nûçeyên min de tiştekî din nîne
Midûrê Karên Nivîsan ê Berpirsiyar ê Ozgur Gundemê Înan Kizilkaya axivî û got: “Ez rojnameger im. Ez karekî aşkere û rewa dikim. Ez daxwaza serbestiya xwe dikim” û diyar kir ku di nûçeyên wî de ji bilî rêzikên rojnamegeriyê tiştekî din nikarin bibînin.
Asli Erdogan: Ez nekarîbûm beşdarî rêûresmên xelatan bibim
Asli Erdoganê jî diyar kir ku piştî ew hatiye girtin nivîsên wê yên di Ozgur Gundemê de hatine weşandin, ji bo Fransî hatine wergerandin û weke pirtûk hatiye çapkirin û gelek xelat wergirtiye. Erdogan wiha axivî: “Ji ber ku derbarê min de biryara qedexeya derketina derve heye ez nekarîbûm beşdarî 5 rêûresmên xelatê bibim û di van de nebûna min ji min bêhtir hatiye axavtin” û daxwaza rakirina biryara qedexeya derketina derve kir.
Heyeta dadgehê daxwazên serbestiyê qebûl nekirin lê biryara kontrola edlî ya Eren Keskînê û biryara qedexeya derketina derveyî welêt ya Asli Erdoganê û Necmiye Alpayê rakir.
Doz wê di 31ê Cotmeha 2017ê de berdewam bike.
(EA/FD)
