Ji bo nûçeya Tirkî bitikîne
Ajansa Anadoluyê aşkere kir ku di çarçoveya lêpirsînên ku serdozgeriyên komarî piştî hewldana derbeya 15yê Tîrmehê de dane destpêkirin heta niha 50 hezar û 136 kes weke gumanbar hatine girtin.
Li gorî nûçeya Ajansê ya ji daneyên rayedarên Wezareta Dadê wergirtiye, di lêpirsînên derbarê Rêxistina Dewleta Paralel/Rêxistina Terorê ya Fethullahî de (FETO/PDY) ku piştî 15yê Tîrmehê destpêkiribû, heta niha bi tevahî 154 hezar û 694 kes di lêpirsînê de derbas bûne.
Ji bo 2 hezar û 763 kesan biryar hate girtin ku hewceyî dozê nake.
Ji nava kesên ku hatine desteserkirin 50 hezar û 136 kes hatine girtin û ew şandine girtîgehê.
Dabeşiya girtinan
Dozger û dadwerên di dada edlî û îdarî de: 2 hezar û 431,
Dadgeha Temyîzê: 104 endam,
Şûraya Dewletê. 41 endam,
Dadgeha Destûra Bingehî: 2 endam,
Lijneya Bilind a Dozger û Dadweran (HSYK): 3 endam,
Leşker: 6 hezar û 982 (167 jê general)
Polîs: 8 hezar û 816
Walî: 23
Alîkarê Walî: 72
Qeymeqam: 112
Karmend û sivîl: 31 hezar û 550
Kesên ku hatin berdan
45 hezar û 708 kesên ku hatibûn desteserkirin bi biryara kontrola edlî hatin berdan. 12 hezar û 753 kes jî piştî îfade dan hêzên ewlekariyê yan jî dozgerî yan jî dadgehê hatin berdan.
Kesên ku hatin tehliyekirin
7 hezar û 122 jê bi şertê kontrola edlî, 7 hezar û 430 bersûc digel ku xistin girtîgehê ji ber delîlên kêm hatin tehliyekirin.
Di nava kesên ku hatin tehliyekirin de hezar 312 polîs, 9 alîkarê waliyan, 3 walî, 3 qaymeqam, 195 dadwer û dozger, 2 endamên HSYKyê, endamekî Şûraya Dewletê, 8 endamê Dadgeha Temyîzê jî hene.
Di çarçoveya lêpirsînan de derbarê 211 dadwer û dozger, 6 endamên Şûraya Dewletê, 25 endamên Dadgeha Temyîzê, 137 leşker, 369 polîs, 3 alîkarê waliyan, 8 qaymeqam, 6 hezar û 353 karmend û sivîl jî di nav de bi giştî 7 hezar û 112 kesan de biryara zevtkirinê heye.
Di heman çarçoveyê de 655 kes hîna weke bersûc desteserkirî ne. (HK/FD)
