Di 7ê Hezîranê de li Stenbol Veznecilerê li dijî wesayîta polêsan pêk hat û di encamê de 6 jê polês 11 kesan jiyanên xwe ji dest dabûn. Îro Terebazên Azadiya Kurdistanê (TAK) daxuyanî da û wê êrişê girt ser xwe.
Di daxuyaniya TAKê de wiha hat gotin: ‘Ew çalakiya ku bi xeta fedaîtiyê hate kirin, bi taybetî li Şirnex û Nisêbînê, li dijî hemû êrişên hovane yên dewleta tirk de pêk hatiye. Heta ku dirêjî û êriş berdewam bikin dê çalakiyên me jî dewam bike.’
Di wê daxuyaniya TAKê de hat ragihandin ku hejmara polêsên kuştî zêdetir e lê tê veşartin û wiha hat gotin: ‘Ji ber ku AKP bi darê zorê polîtîkayên xwe yên faşîst dimeşîne, welatiyên sivîl tên kuştin û berpirsyarê wan kuştinan AKP bi xwe ye. Gelê tirk bi bêdengiya xwe piştgirî dide vî şerê heyî û ji ber vê yekê jî mehkûmê mexdûrbûnê ye.’
TAKê got: ‘Em careke din tûrîstên li Tirkiyeyê û yên dixwazin werin vir, hişyar dikin. Me kesên xerîb ji xwe re nekiriye hedef. Lêbelê ev der êdî ji bo wan ciheke ewle nîne.’
Derbarê TAKê de
Berdevkê PKKê Roj Qendîl di Mijdara 2010an de derbarê êrişa li Taksimê ku di 31ê Cotmehê de pêk hatibû û TAKê girtibû serxwe de ji CNN Internationalê re wiha gotibû:
TAKê wê êrişê girt ser xwe. Gelo ew kes kî nin?
Rast e, hin kesên ku di nav TAKê de ne berê ligel PKKê bûn. Lê polîtîkayên me rexne dikirin. Yê ku me dikir weke pasîf û nerm bi nav dikirin. Dixwestin ku bila berxwedana çekdarî zêdetir be. Pişt re ji me qetiyan. Lêbelê ew jî Ocalan weke rêber qebûl dikin. Piştî ku Ocalan hate girtin di nav me de pirsgirêkên mezin çêbûn. Hin hevalan digotin: ‘Serokatî agirbest ragihand, lê dewlet ji vê fêm nekir û komployan pêk anî.’ Pişt re kesên ku wan rexneyan pêk dianîn, di nav xwe de civiyan. Ew girse çiqas diçû zêdetir tîj bû û ji me qetiyan.
Gelo TAK yekîneyên PKKê yên li bajêran e?
Ji ber ku beriyê de hin kadroyên TAKê di nav PKKê de cih girtine, ev nirxandin tê kirin. Tu têkiliyên me bi hevre nîn e. Qasê ku ez pê dizanim girêdayî Ocalan in û jê re sadiq in.*
*Çavkanî: Radikal, 5ê Mijdara 2010an, PKK: Yên ji me qetiyan TAKê ava kirin, di bin kontrola me de nîn in.
Çalakiyên TAKê
Di 17ê Tîrmeha 2005an de li dijî midibûsa tûrîstan û hefteke şûn de jî li Îzmîr Çeşmeyê êrişên bombeyê pêk anîn û di encamê de polêsek û 5 tûrîst hatin kuştin, 34 kes jî birîndar bûn.
23ê Gulana 2007an de li Enqere Ulusê teqîna pêk hat de 7 kes hatin kuştin, 102 kse jî birîndar bûn.
10ê Hezîrana 2007an de li Stenbol Bakirkoyê teqîn pêk hat û di encamê de 31 kes birîndar bûn.
8ê Hezîrana 2007an de li Stenbol Kuçukçekmeceyê teqîna pêk hat de 15 polês birîndar bûn.
22ê Hezîrana 2010an de li Stenbol Halkaliyê li dijî servîsa leşkerî bi bombeyan êriş pêk hat.
31ê Cotmeha 2010an li Stenbol Taksimê teqîn çêbû û di encamê de 32 kes birîndar bûn.
26ê Tebaxa 2011an de li Antalya Konyaaltiyê, di 28ê Tebaxê de jî li Antalya Kemerê êrişên bi bombeyan pêk hatibûn û di encamê de 6 kesan bîrîndar bûbûn.
20ê Cotmeha 2011an de li Enqereyê êrişa bî bombeyan de 34 kes birîndar bûbûn.
Teqîna ku di 23ê Kanûna 2015an de li Balafirgeha Sabiha Gokçenê pêk hat jî, TAKê girt ser xwe.
17 Sibata 2016an de li Enqereyê li dijî servîsa leşkeran bi bombeyan êriş hat kirin û di encamê de 28 kesan canên xwe ji dest dan.
(BK/YO)
