Margaret Atwooda nivîskar, pişgirî da herdu dersdêrên di greva birçîbûnê de

Ji bo nûçeya Tirkî / Ingilîzî  bitikîne

Margaret Atwooda nivîskar ji bo piştgiriyê bida herdi dersdêrên bi navê Nûrîye Gûlmen û Semîh Ozakça nameyek şand.

Nûrîye Gûlmen û Semîh Ozakça 84 roj in ku di greva birçîbûnê de ne.

hin beşên nameya Atwoodê ev in:

“Bi Biryarnameyên di Hikmê Qanûnan de, 4 hezar û 811 akademîsyen û 40 hezar dersdêrên dibistanan ji karên wan hatine avêtin. Gûlmen û Ozakça du ji wan kesan in.

“Ji 80 rojan zêdetir e ku ew di greva birçîbûnê de ne. Di 22yê Gulana 2017ê de polîsan deriyê wan şikênandiye û ew desteser kirine.

“Ji ber ku wan daxwaza edaletê kiriye di metirsiya mirinê de ne. Divê Nûrîye Gûlmen û Semîh Ozakça serbest bêne berdan û li karên wan bêne vegerandin.

“Ji kerema xwe re piştgiriya wan kesan bikin ku li Tirkiyeyê ji bo azadiya xwe-îfadekirinê û demokrasîyê têdikoşin. “

Margret Atwood

Nivîskareka femînîst e. Di 1939ê de hatiye dinyayê. Nivîskara romana Sûîkastkerê Kor e. Bi vê romanê di sala 2000ê de Xelata Bookerê stand.(AS/MB)